شاركو معانا فى استضافة نجم المنتدى ((((( صااااادق على )))))))))))))

شطوووووووووووووووووووووووووووووووووووووووووووووووووووووووورة يا نور
احسنت الاختيار والله
بس صادق مختفى بقاله يومين ليه؟؟؟؟؟؟؟!!!!!!!!!!!!!!!!!!

تعالى يا صادق وشوف مستنيك اييييييييييييييييييييييييييييييييييييه

بسم الله الرحمن الرحيم

والصلاة والسلام على اخر النبيين

محمد ابن عبد الله وعلى اهله

واصحابه واحبابه اجمعين

اولا السلام عليكم جميعا ورحمة الله وبركاته

اتقدم بخالص الشكر والامتنان لجميع اعضاء

منتدى نور واخص بالشكر دلوعة المنتدى وابنتى الغاليه

نور

كما اتقدم بجزيل الشكر والتقدير للقلب الذى ينبض دائما فى المنتدى

والتى احس انها شعلة النشاط الدائمه فى المنتدى والابنه البكريه

نونه

ولا يسعنى الا ان اقدم الشكر لمثال الادب والاحترام والرقى الاخلاقى

والذى اعتبره دينامو المنتدى ومدمن قعدة السجن مصدر رزقه الاستاذ

ميدو علام

وممكن اكون اختصيت الثلاثه بكلامى لانى كنت سعيد الحظ بمعرفتهم

عن قرب والتحدث معهم من خلال المنتدى وهذا لايقلل من حبى واحترامى

لبقية الاعضاء الذين حالت الامتحانات ان اقترب منهم خلال الفتره السابقه

ولاتفوتنى الفرصه ان ادعوا لهم جميعا بالنجاح والتوفيق الدائم باذن الله

وهناك من الاعضاء من اكن لهم كل الاحترام ولكن لم يدم بيننا الحوار

الا فى نطاق كلمات قليله من خلال التعليق على المواضيع المطروحه منهم

واذكر منهم دينا وندا ومحمد طرابيه وسالين

والليل واخره ونايس مان

فجميعهم من المقربين الى قلبى كثيرا واتمنى ان من الله ان يذداد التعرف بهم

وباقى الاعضاء اتمنى ان تسمح ظروفهم ان يذيد بيننا التعارف وهذا شئ

يشرفنى جدا مع خالص تمنياتى للجميع بالتوفيق والنجاح

وبشكرك جدا يانور على مقدمتك الجميله واتمنى من الله

ان اكون عند حسن ظن الجميع وشكرا على ثقتك الغاليه

التى اعتبرها وسام على صدرى وشرف كبير ليه

واعاهد الله واعاهدكم ان اكون امينا فى جميع اجاباتى على كل اسئلتكم

وطبعا انا ثقتى لاحدود لها فى جميع الاعضاء وفى طيبة قلبهم وحنيتهم

ههههههههههههههههههههههههههههههههههههههههههههههههههه

والله بيعطينى العافيه

وانا فى انتظار اسئلتكم بكل سرور

مع خالص تمنياتى للجميع بالتوفيق



صادق على

هههههههههههههههههههههههههههههههههههههههههههههه ميدو وصل هنا في الموضوع

بص يا استاذ صادق كلمه من بنتك الصغيره

وقعت ومحدش سمى عليك انت صعبان عليا والله
نور وميدو؟؟؟ الاتنين مره واحده
يلا بقى البقاء لله انا هتفرج من بعيد ولو في سؤال مزنوقه فيه هكتبلك

بابا صااااااااااااااااااااااااااااااااااادق
انا ماهانش عليا ترد على أسءلة نور وبعدين أسألك وترجع ترد عليا تانى فقلت أكمل على أسئلة نور وترد مرة واحدة
هههههههههههههههههههههههههههههههههههههه


13 - ايه اكتر حاجة يتعملها زوجتك بتضايقك والعكس ( اكتر حاجة بتبسطك)؟
14 - ايه العيب او الصفة اللى مش حلوة اللى انت عارف انها موجودة فيك ومش عارف تغيرها والصفة اللى قدرت تغيرها؟
15 - على مدى ال6 سنين اللى قضتهم فى السعودية ايه اكتر درس اتعلمته من هناك ؟
وكمان اهم الدروس اللى اتعلمتها عموما فى حياتك
16 - لو رجع بيك الزمن لقبل ماتتجوز كنت برده هتقرر تتجوز ولا لأ وليه؟
17 - لما بتقعد مع مى ومحمد بتتمنالهم ايه فى المستقبل؟
18 - مين أقرب شخص بتحب تقعد تتكلم معاه وتحكيله على كل حاجة وانت مرتاح ومطمن وليه الشخص ده بالذات؟
19 - ايه الحلم او الحاجات اللى اتمنيتها واتحققت والحاجات اللى لسة محققتهاش؟
20 - انت عندك دلوقت 49 سنة ( ربنا يديك طولة العمر يارب ويخليك لزوجتك ولأولادك ولينا) لو رجعت لسن ال20 تانى ايه القرار اللى اخدته وندمت عليه ومش هتكرره ؟
21- ليه معظم الناس مش بتقبل فكرة ان الحب ممكن يبقى اقوى لو حبينا بعقلنا الاول ( وده سؤال من بره كده بس حابه اخد رايك فيه... معلش استحملنى )


انا كنت وعدتك انى مش هسألك كتير ...... وانا دايما عند وعدى....... هسيب المجال لباقى الأعضاء
ومعلش لو كنت غلست عليك فى سؤال ولا حاجة

يسم الله الرحمن الرحيم

وصلاة وتسليما على خاتم المرسلين

وخير خلق الله اجمعين سيدنا محمد

الصادق الامين

السلام عليكم ورحمة الله وبركاته

1-عمرو
عمرى 49 سنه
محاسب
المنصوره

2_متزوج واعول

3_اولادى بنت اسمها مى وولد اسمه محمد
مى على اسم عمتها فاكيد انا ال اخترت الاسم
محمد على اسم والدى رحمة الله عليه واكيد برضه انا ال اخترت الاسم
بس الاكيد ان زوجتى كانت موافقه على الاسماءولم يسجل الجهاز المركزى للمحاسبات اى اعتراضات منها

4_والدى اسمه مركب محمد صادق عشان كده دخلت المنتدى باسم والدى الله يرحمه وعلى ده جدى

5_فى المملكه العربيه السعوديه

6_اكيد بعد الزواج احسن

7_زوجتى من اختيارى انا وهى اخت لاعز اصدقائى رحمه الله واسكنه فسيح جناته
وعندما قررت الزواج تحدثت معه عن رغبتى فى الزواج فأتى لى باحدى قريباته وسألنى مارأيك فى هذه الفتاه
وظل يحدثنى عن ادبها واخلاقها وجمالها فاحترت ماذا أقول له فما كان منى الا اننى ظللت انظر اليه واضحك
بدون ان اعطيه اى اجابه ثم قلت له انا رايح انام فالنوم ارحم من الكلام معاك
وفى اليوم الثانى تقابلنا فقلت له انا عاوز اتجوز اختك
وكانت المفاجأه فى رده
قالى انت خلاص صرفت نظر عن البنت ال قولتلك عليها
ههههههههههههههههههههههههههههههههههههه
طبعا هو اتلخبط ومش عارف يعمل ايه ولا عارف يرد عليه
هو الله يرحمه كان انسان طيب جدا
المهم اتقدمت واتجوزت وعلى فكره الجوازه تمت خلال ثلاثة شهور
ولما جينا نكتب الكتاب رفض انه يعمل لاخته قائمة عفش ورفض يكتب ليها مؤخر
وضاع حق المسكينه بين جوزها واخوها
هههههههههههههههههههههههههههههههههههههههههههههههه
وده جزاء ال تتجوز صاحب اخوها
واسفرت هذه الجريمه البشعه عن المجنى عليهم مى ومحمد
هههههههههههههههههههههههههههههههههههههههههههههههههههههه

8_للاسف الشديد مكنتش شقى بس مش بمزاجى ولكن غصب عنى
انا كنت ساكن فى شارع كله بنات وكان فى الشارع تلاته شباب بس
واحد منهم توفى فى سن صغير والتانى كان اخ لسبع بنات وكان هادى
وطيب لابعد الحدود وكان منطوى على نفسه وخجول جدا
فكنت انا ديك البرابر زى ما بيقولوا وكنت حامى ديار عبس
فللاسف الشديد كانوا كلهم بيعتبرونى اخوهم وانا عشت فى الدور
وكنت متفرغ لحل مشاكلهم وخصوصا انى كنت وحيد مليش الا اخت واحده بس
وبعد الثانويه دخلت الكليه الحربيه وطبعا مكنتش بشوف الشارع الا كل خميس وجمعه
بس طبعا كنت بحاول استغلهم احسن اسنغلال وكفايه كده ياسوسه

9_انا بطبعى اكره الوحده واحب اتعرف على الناس واعيش معاهم واعيش مشاكلهم
مع انى للاسف الشديد اكره السكن مع احد من يوم ما دخلت السعوديه وانا ساكن بمفردى
وبعتقد ان البيت ده مكان للراحه وانا ليه طقوس من اول ما ادخل من باب البيت فكان لزاما عليه الا اسكن مع احد

10_انا سافرت السعوديه مضطر ولم يكن باختيارى ولكن مجبر اخاك لا بطل
انا كنت خلاص استقريت فى مصر وفتحت مصنع بلاستيك والحمد لله كنت مستقر جدا
واغلب زملائى فى السعوديه حاولوا يقنعونى بالسفر ولكنى رفضت وبشده
لانى كنت خلاص رتبت امورى على المصنع والحمد لله كان موفر لى حياه كريمه
مش كريمه مختار
ولكن للاسف الشديد كان بجوار المصنع شاب فاشل كل يوم يسكر ويعمل مشكله فى الشارع
وفى يوم خرجت من المصنع لقيته واقف امام السياره فقلت له اوعى عشان انا ماشى
فقالى ده شارع الحكومه وال هيتكلم هقطعه وانا للاسف الشديد عصبى جدا وده عيبى الاكبر
فقلت له لو فضلت واقف هدوسك بالسياره وقد كان
المهم ركب شرايح ومسامير ورفع قضيه واتحكم عليه بسنه سجن فاضطررت للسفر حتى يتم الصلح
وبعد سنه من سفرى تم الصلح مع المحامى ودفعت مبلغ 19 الف جنيه تمن علاجه
وكل ده بسبب العصبيه عشان كده بنصح اى انسان العصبيه عيب خطير جدا جدا جدا
وممكن بسببها تخسر حاجات كتير جدا
وممكن تغير مجرى حياتك زى ما غيرت مجرى حياتى
والحمد لله على كل شئ

11_طيب كان بلاش تخلى اسمك من ضمن الاسماء ال هقول رايى فيها
هههههههههههههههههههههههههههههههههههههههههههههههههه
نور بجد انت ليك عندى معزه
وخروف وبقره
هههههههههههههههههههههههههههههههههه
نور انسانه طيبه جدا وشقيه ودمها زى العسل ومؤدبه
وانا بصفه شخصيه بحبها جدا وبحترمها جدا وبحترم دماغها جدا
وهى انسانه طموحه جدا بس فيها عيب صعب وبخاف عليها منه جدا
العصبييييييييييييييييييييييييييييييييييييييييييييييييييييييييييييييييييييييييييييييييييييييييييه
اتمنى انها تقدر تتخلص من هذا العيب
ميدو علام شخصيه محترمه انا بكنله كل احترام وتقدير
وبدعيله من قلبى ان ربنا يوفقه فى الامتحانات

نايس مان انا متكلمتش معاه قبل كده واتمنى ان تتاح لى الفرصه
واتعرف عليه اكتر وده شرف كبير ليه طبعا بس بحس انه انسان
عاقل وناضج ودماغه حلوه وردوده مهذبه ومفيده

دينا هقول رايى فيها لما تسالنى عشان موضوعها كبيره
ههههههههههههههههههههههههههههههههههه

نونا هرد عليها فى الاجابه على اسالتها

دروب انا بحبه بس عاتب عليه جدا بس لما يخلص امتحان

الليل واخره زعلان منه عشان بيحب نيرمين الفقى

ندا انسانه لذيذه وعاقله بس متحيزه للمراه قوى

سالين انا بحترمها جدا رغم انى لم اتكلم معها
بس قريت لها بعض المواقف عجبنى تفكيرها جدا

ميدو انا بحبه عشان من دمياط

12_انا بعشق المدينه المنوره جدا
وبرتاح نفسيا لما اكون فيها
وعلى فكره انا كل مره اروح المدينه لازم ابكى
وده بيكون غصب عنى

ياااااااااااااااااااااااااااااااااااااااااااااااااااااااااااااااااااااااااااااااه
اخيرا خلصت الاسئله

انا تعمدت انى استرسل فى الاجابه
لانى حبيت انى اكون كتاب مفتوح للجميع

وفى انتظار اى تعليق بصدر رحب واسف للاطاله

استودعكم الله الذى لا تضيع ودائعه

13_اكتر حاجه بتضايقنى فى زوجتى انها عمرها ما طلبت منى حاجه
عشان كده انا بحتار اعملها ايه عشان ارضيها ودى حقيقه والله

اكتر حاجه بتبسطنى انها مفيش حاجه فى حياتها غير انا ومى ومحمد

14_العصبيييييييييييييييييييييييييييييييييييييييييييييييييييييييييييييييه
انا كنت بكره اقعد فى البيت وكنت خايف من الموضوع ده
ولكن الحمد لله غيرت الوضع ده بعد الجواز

15_اتعلمت ان الانسان ال له هدف لازم يسعى عشان يحققه
انا اول ماجيت السعوديه اشتغلت مدير مبيعات فى شركة نظارات
والحمد لله فى خلال 3 سنوات قدرت انى اكون صاحب شركه
بس المهم انك لازم تتعب عشان تحقق هدفك
اقسم بالله انا اغلب الاوقات كنت بسوق السياره اكتر من 15 ساعه يوميا
والحمد لله ربنا كرمنى اللهم لك الحمد والشكر
ثانى شئ حب الناس دى حاجه مهمه جدا
وفى مثل بيقول ال ربنا بيحبه بيحبب فيه خلقه
ثالثا وده اهم شئ انك تكون دائما قريب من ربنا
وعلى فكره انا ركزت على كلمة حب الناس لان دى مهمه جدا فى البزنس
والبزنس كله علاقات شخصيه واهمها ان الناس تحبك
وانك تكون صادق مع نفسك الاول قبل ما تكون صادق مع الناس

16_اكيد كنت هتجوز ولو رجع بيه الزمن هختار نفس الانسانه دى

17_ياه يانونه
تصدقى هو ده السؤال ال دايما بفكر فيه
على فكره انا دائما بطلب منهم حفظ القران الكريم
وبجبلهم شيخ طول فترة الاجازه يحفظهم قران
وعمرى ما ضغط عليهم انهم لازم يطلعوا دكاتره ومهندسين
لانى متاكد ان دى امكانيات عقليه وذهنيه ومقدره على التحصيل
بتمنى ان ربنا يوفقهم ويعيشوا حياه مستقره وهادئه
لاننى متاكد ان الدنيا دار من لادار له
فهى دار فناء وليست دار بقاء

18_اختى لانها اختى الوحيده وانا اخوها الوحيد
ودى كانت وصية والدى رحمة الله عليه

19_الحمد لله انا فى نعمه من الله
وكل مااتمناه ان يذداد قربى من الله
وان يعطينى العمر والصحه حتى
يصل محمد ومى لبر الامان


20_لو رجع بيه العمر تانى عمرى ما هفكر ادخل منتدى نور

ولا هفكر اعرف نور ولا نونه تانى وهو ده ال ندمت عليه
هههههههههههههههههههههههههههههههههههههههههههه
الحمد لله عمرى ما اخذت قرار وندمت عليه
لانى واثق ان مافاتك لايمكن ان يكون لك
فالحمد لله عمرى ما ندمت على شئ

21_حب العقل هو اقوى انواع الحب
وهو الحب الذى يعيش ويستمر ويتوغل
وذو قوة قتل ثلاثيه
ههههههههههههههههههههههههههههههههههه
ليه انا بقول هو الاقوى لانى لازم اعرف انا هتجوز مين
اخلاقها ايه واخلاقه ايه
طباعها ايه وطباعه ايه
بتحب ايه وبتكره ايه بيحب ايه وبيكره ايه
عشان اقدر اعرف هو هيقدر يسعدنى وانا هقدر اسعده ولا لا
مش هقعد ادور على عنيها ورجليها ووسطها اتخن من وسط البلد
بالتاكيد الحاجات دى مهمه بس مش هى كل شئ
لانى بعد الجواز هكون امتلكت الانسانه دى وهى طبعا امتلكتنى
فخلاص مش هدور على جمالها هبدا ادور على دماغها فيها ايه
ممكن يكون فيها سوس وتعابين وتكرهنى فى حياتى حتى لو كانت ملكة جمال
وهو كذلك
الحب بالعقل مهم جدا جدا جدا جدا جدا
الحب السهوكه حب لفتره ويموت بسرعه

حب العقل حجر حياته اطول

اللهم بلغت اللهم فاشهد
مش كل واحد يقول بحبك اصدقه
لازم يكون فيه دليل للحب ده

عاوزين نبطل نحب على نفسنا
الحمد لله تم بفضل الله وحسن توفيقه
اتمنى انى اكون وفقت فى الاجابه بس
صدقونى انا تحريت الصحه فى كل كلمه كتبتها

والسلام عليكم ورحمة الله وبركاته
ليك يوم يانونه

انت لسه مش عارفه راى فيك

انا لو قعدت اكتب من هنا لحد ما انزل اجازه

مش هوفيك حقك

ورايى فيك اكيد انت عرفاه

كفايه انك البكريه يافوزيه

هههههههههههههههههههههههههههههههه

احم احم

انا جيت اهو

قريت كده جمله بتقول انك مستنيني اسألك علشان ترد هو انا ايه بالظبط
والله رعبتني

احم احم
طيب يا استاذ صادق ايه رأيك في بنوته سكر...هاديه خالص صح؟ ومش بتعمل مشاكل خااالص

ولا انت شايف حاجه تانيه؟؟؟


هو الوضع خطير اوي كده؟؟؟؟

جدو صادق
اخ سوري بابا صادق
حلو؟؟
مدلعاك اخر دلع

مفيش احس من كده عندي ليك سؤالين صغنتتين


لو انت في سفينه والسفينه دي عليها كل من تعرفه اي حد كان اهل اصحاب احباب زوجه واولاد وكل الناس اللي تعرفهم ومريت بيهم في حياتك ((وانا عالسفينه هههههههههههههههههههههه))


وللاسف نونا ونور كانوا موجودين فالسفينه تقلت وبتغرق
ههههههههههههههههههههههههههههههههههههه
ومعاك طوقين نجاة

هتديهم لمين




سؤالي الصغنتوت التاني
ركز معايا


لو اتفرض عليك تعيش في مكان بعيييييييييييييييييييييييييييييد ومن غير مايكون معاك اي حد الا اتنين برده

يا ترى هتختار مين
هتضحي بزوجتك ولا بحد من ولادك وياريت توضح سبب اختيارك وسبب تضحيتك بالشخص التالت



في انتظار الاجوبه

السلام عليكم

كيفك يادينا
والله انت بنوته زى العسل مش سكر بس

الاكيد انك انسانه هاديه واكبر دليل على كده
انك بتحبى القطط وهى مشهوره بالهدؤ
بس لازم نفهم انها لما بتخربش بتكون
مؤذيه جدا بس الميزه انها بتخربش
ال بيحاول يؤذيها بس او يعاكسها
هههههههههههههههههههههههههههههه

بس انا من خلال مواضيعك وردودك بحس انك
متقلبة الاهواء والمزاج ومتسرعه الى حد ما
ارجوا انك تفهمى كلامى صح
بس ال انا متاكد منه انك انسانه طيبه وعفويه
وحبوبه جدا ومؤدبه
تمنياتى لك بالتوفيق والنجاح والاستقرار
وبجد والله انا بعزك جدا وبحترم دماغك جدا
لانك ماشاء الله تتحلى بقدر كبير من الذكاء
وعاوز اقولك كلمه
خلى بالك من نفسك وحبيها اوى
لانها تستاهل انك تحبيها
وانا متاكد انك هتفهمى معنى كلامى

نرجع للاسئله

اولا مش هدى الطوق لحد
لنعيش عيشه فل لنموت احنا الكل
هههههههههههههههههههههههه
هههههههههههههههههههههههه

مقدرش اضحى بحد منهم مراتى وولادى
هما بجد كل حياتى وانا كل حياتهم

مستحيل اقدر اضحى بحد منهم
لانى مرتبط بيهم جدا جدا جدا


اتمنى انى اكون وفقت فى الاجابه
لانى والله امين جدا فى ردودى

وعليكم السلام ورحمة الله وبركاته

تحياتى ليك يااستاذ احمد

ومبروك انك خلصت امتحانات

وان شاء الله نباركلك بالنجاح

مع خالص دعواتى لك بالتوفيق والنجاح

ويسعدنى ويشرفنى انا اتلقى اسالتك

كما اسعدنى وشرفنى ردك الرائع
وترحيبك الذى اثلج صدرى
ومنتهى سعادتى معرفتى بشخصك الكريم

وتقبل تحياتى

انا جيييييييييت

ازيك يا استاذ صادق
بص انا مش هطول عليك انا عندى سؤالين صغنتتين

ايه الموقف اللى حصلك فى حياتك واتمنيت انك تنساه او مكنش يحصل وايه الموقف اللى مش بتنساه وبتتمنى انو يتكرر تانى؟

هههههههههههههههههههههه
والله انا شايله همك
هههههههههههههههههههههههه
قلتلك وقعت في ايد اللي مش بيرحم

يلا ربنا معاك انا بتفرج

انا عايز اقول حاجه واحده بس


ارحموا من فى الارض يرحمكم من السماء

السلام عليكم ورحمة الله وبركاته

اخبارك يا سالين اتمنى تكونى بخير

1_انا عصبى جدا بطبيعة الحال واكره العناد جدا
ولذلك اذا كان الغضب امام شخص احبه افضل الانسحاب مباشرة
ورحم الله امرئى عرف قدر نفسه
وعلى فكره انا بتعصب بشده لانى اهتم بشغلى جدا ولا اقبل التهاون
من اى شخص وانا بطبيعة الحال عملى جدا فلا اقبل التكاسل
حبيت بس افسر انى مش بتعصب لاسباب تافهه

2_اجمل مافي الاسلام
كفانا فخرا ان ربنا هو العزيز الحكيم رب العرش العظيم
وان نبينا هو خير خلق الله وخاتم الانبياء والمرسلين
وكفانى فخرا ان تكون ربى وكل الفخر ان اكون انا عبدك
وكفانا عزا انه دين الوسطيه وينبذ العصبية والتطرف

3_انا من الصعب جدا انا انسى وذلك يرهقنى زهنيا جدا
فانا نادرا ما انام ونادرا ما اترك فنجان القهوه او الشاى
وذلك بسبب كثرة التفكير رغم اننى مستقر جدا فى حياتى
والحمد لله

4_يقسوا قلبى عندما اقابل فى حياتى من هو عدوا لنفسه

5_اذا فاتنى فرض من فروض الصلاه وحاولت ان اصليه فى البيت
فى وقت متاخر احاول الا ترانى زوجتى لانى بكون خجلان جدا
وهذا ليس خوف ولكنه احساس بالتقصير

6_على فكره انا كسبت فلوس كتير وخسرت فلوس كتير
والحمد لله مرتاح ماديا ولكنى دائما قلق وكثير التفكير
وكل مايشغلنى الخوف من الحساب على هذه الاموال
لان كل شغلى بالتجاره فاخشى من الحلال والحرام
فالخوف كل الخوف من الغفوة والسهو
وربنا يسلم

7_مبعرفش اكون سلبى حتى لو ماشى فى الشارع
وحصل شئ لم يعجبنى لازم اتكلم مبعرفش اكبر دماغى
ولا بعرف انفض على راى الشباب هههههههههههههه

8_الزوجه والاولاد اولا وقبل كل شئ
الصحه
راحة البال
المال
اعلى المناصب والاخيره انا تركتها بمحض ارادتى

9_بالامانه وبكل صراحه
كل الاعضاء ال اعرفهم
بس انا بداخلى معزه خاصه لنونه ونور
لانهم اكتر ناس اتعاملت معهم وماشاء الله ربنا يحميهم
بس انا متاكد انى اكن كل الحب والاحترام والتقدير
لدينا وميدو علام ونايس مان ودروب
وندى وبعز سالين جدا وربنا يقدرنى على رد جمايلها
بس الاكيد لما يحصل تعامل بينى وبين الجميع هيكونوا اكيد فى معزة نور ونونه
بس فترة الامتحانات هى الى كانت شغلاهم وتمنياتى للجميع بالنجاح

10_نونه ونور لان دول بناتى ومخلفتش الا هما

بتعجبنى اوى مواضيع ندى ماشاء الله عليها
رغم انها مقله بس مواضيعها حلوه

بتعجبنى سالين جدا فى اختيار مواضيعها
بحس ان دماغها حلوه وتفكيرها مميز
وبحس ان لها اسلوب معين فى الاختيار

بتعجبنى فى دينا عفويتها وتلقائيتها

ميدو علام حبيب قلبى دماغه متكلفه اوى
وخصوصا لما يكون فايق

دروب ونايس مان ماشاء الله عليهم
ادب اخلاق احترام وفكر مميز
ورقى فى التعامل والادب

11_لا ارى لا اسمع لا اتكلم لاننى اعشق المواضيع السياسيه

12_ندى وسالين ونايس مان ودينا

صدقينى اجبتك بمنتهى الامانه
والله على ماقلت شهيد

اتمنى ان اكون وفقت فى الاجابه
واذا كان هناك اى سهو اعتذر عنه مقدما

شكرا على اسئلتك الرائعه

السلام عليكم ورحمة الله وبركاته

اخبارك ياندى ان شاء الله تكونى بخير

1_الموقف ال حصلى فى حياتى ومكنتش اتمنى انه يحصل
لما دخلت الكليه الحربيه كنت كاى شاب معجب جدا بالبدله
وفرحان انى فى مكان اى انسان يتمنى يكون فيه
ولما اتخرجت ومارست الحياه العسكريه زعلت من نفسى اوى
انى فى المكان ده وحسيت انى فى مكان مش مكانى
ولما قدمت استقالتى وقبلت حسيت انى كنت فى سجن ابو غريب
واخذت براءه والحمد لله على كل شئ

2_الموقف ال مش بنساه واتمنى يتكرر باستمرار

لما حجيت اول مره حسيت بارتياح نفسى لا يوصف

واتمن من الله ان يكتبها للجميع

وكمان لما خلفت مى بنتى وكانت اول مولوده
كنت حاسس انى ملكت الدنيا بما فيها
لانى كان نفسى زوجتى تخلف بنت

اتمنى انى اكون وفقت فى الرد على اسالتك ياندا
بجد انت طيوبه جدا مش زى البقيه الشريره
بارك الله فيك

السلام عليكم ورحمة الله وبركاته

اهلين نور كيفك
ادلعى براحتك ما انت البكريه يافوزيه هههههههههههه
1_لونى المفضل الفوشيا

2_عندى شركة نظارات فى السعوديه وعدسات لاصقه

3_اكلتى المفضله السمك ثم السمك ثم السمك

4_كل تعاملاتى التجاريه بعقلى فقط وليس لقلبى ادنى دخل فيها
تعاملاتى الشخصيه بيغلب عليها القلب على العقل

5_فى منتهى السعاده لانى بحبكم بجد وعاوز اعرفكم على نفسى
بمنتهى الصراحه والامانه واتمنى ان اتعرف على الجميع
لانى حاسس انكم ناس فى قمة الادب والاحترام وشرف لاى حد يتعرف عليكم
ودى حقيقه والله مش مجامله وعلى فكره انا مش بعرف اذوق الكلام

6_الصدق حتى لو كان مر بس اكيد بينجى صاحبه

7_الخيانه والكذب حتى لو كان ابيض كما يسمونه

8_بكرهك

9_العصبيه

10_بسم الله الرحن الرحيم
يوم نقول لجهنم هل امتلات فتقول هل من مذيد
صدق الله العظيم

11_محمد رفعت

12_عبد الحميد كشك

13_وانا فى المدينه المنوره من حوالى عشرة ايام
كنت ازور ارض البقيع وتذكرت سيدنا محمد صلى الله عليه وسلم
وهو يقول لغلام يدعى ابا مسيلمه تعالى لنزور ارض البقيع الان
فان الله امرنى بذلك

14_والله كل ما استطيع قوله ربنا يكون فى عونهم الظروف صعبه جدا
ولكننى واثق من قدراتهم ومتاكد انهم سيتغلبون على كل الصعاب
ولكن نصيحتى ان مفيش حد بيطلع السطوح مره واحده لازم يدخل من الباب
ويطلع السلم عشان يوصل والصبر مفتاح لكل شئاقول الصبر وليس التواكل
وان الله لايضيع اجر من احسن عمله
ودعواتى للجميع بالتوفيق والسداد ومن احبه الله وفقه وسدد خطاه
فكونوا دائما قريبين من الله

15_ياريت يانواره توضحى السؤال اكتر لانى فهمته باكثر من معنى

16_مفيش حاجه اسمها حب الكترونى مع احترامى للجميع وحبى لهم
كم ضاعت ناس تحت مسمى الحب الالكترونى وعندى من الادله الكثير
النت للتعارف وتبادل المعلومات والثقافه العامه والعلم والتعلم
اما الحب فلكل مقام مقاما
واعتذر للجميع فهذه وجهة نظر شخصيه

17_عصبيتى خلتنى ضربت واحد بالعربيه عمدا متعمدا وكانت سبب
فى تغيير حياتى بدلا من الاستقرار فى مصر اضطريت للسفر للسعوديه
والحمد لله على كل حال
واعترف للجميع ان مافعلته كان خطأ جسيم وكانت عصبيتى هى السبب فيه
فارجوكم ارجوكم ارجوكم بلاش العصبيه لان نتائجها مؤذيه
والحمد لله على كل حال

18_مصادفة من خلال البحث

19_حسيت بالاحترام والالتزام بين الاعضاء الا ما رحم ربى
وشدنى فى البدايه لما عرفت ابنتى الغاليه نور وكانت هى سبب
استمرارى فى المنتدى لانها وعدتنى انها تعلمنى كل شئ ولكن خليت بيه
هههههههههههههههههههههههههههههههههههههههههههههههه
عشان كده بفكر اتبرى منها بس مش قادر لانها بجد انسانه عظيمه

20_لا اؤمن بالحسد اطلاقا

21_انا بحب اقرأ فى السياسه جدا
عشان كده احسن كتاب قراته اسمه

اعتماد خورشيد شاهده على انحرافات صلاح نصر

وبالمناسبه صلاح نصر كان رئيس جهاز المخابرات
ايام جمال عبد الناصر وياريت الكل يقراه
ويعرف ايه ال كان بيحصل ايام عبد الناصر
وللعلم صفوت الشريف كان مدير مكتب صلاح نصر
وللاسف يعدها مسك وزير الاعلام واكيد ال هيقرا الكتاب
هيعرف ليه انا قلت للاسف على صفوت الشريف

22_لزوجتى واولادى

23_بلاش عشان انا عصبى وممكن استرسل فى الاجابه
وتكونى انت وسؤالك سبب دخولى السجن بس انا جاوبت على السؤال ده
قبل كده لميدو علام

24_عندما يقع الظلم على اى شخص برئ لا اتحمل ان اسكت

25_زميلها ده فين فى الشغل ولا فى الدراسه
لو فى الدراسه هقنعها ان ده غلط ومش ده الوقت المناسب
وهفضل معاها لحد ما اتوصل انا وهى للوضع الصح ومش همل
ولا هحاول اعنفها ولا اقهرها بس مش معنى كده انى هوافق
لو زميل فى الشغل انا ممكن اساعده بس بشرط وشرط وحيد انه
يكون راجل بكل ما تحمل الكلمه من معانى وهساعده لو فى امكانى
انى اساعده وده مش عيب بس زى ما قلت وباكد يكون راجل

26_رحمة الله عليه وارجوا من الجميع ان يدعوا له بالرحمه
صديق طفولتى وكان مدرس

27_هاخد من نور خفة الظل
هاخد من نونه الصدق
هاخد من دينا العفويه
هاخد من سالين الطيبه
هاخد من ندا الحكمه
هاخد من ميدو علاج الجدعنه
هاخد من نايس مان الطموح
هاخد من دروب الامل
هما دول ال انا اعرفهم

28_لنور عشان عارف انها بتحبه

29_ العضو الذهبى نور
العضو المميز نونه وندا
القلم الذهبى سالين وميدو علام
عضو احس بشياكته سالين
ماله تانى دروب
عضو نفسانى نور
عضو خفيف الدم دينا ونايس مان
عضو مفقود حبيبة الرحمن
عضو رايق ندا

عضو مزعج جدا جدا نور هههههههههههههههه

عضو حلو النيك نيم بتاعه دروب
عضو نشيط ميدو علام ونونه وندا
عضو ماسى دينا ونونه

عضو تستانس لما تشوفه نونه ونور ودروب وميدو علام

عضو محبوب دروب ونايس مان وميدو علام



الحمد لله الذى لايحمد على مكره سواه

كنت مبسوطة انى اتعرفت عليك
وبعد استضافتك انا مبسوطة اكتر وفخورة ان انت " باباصادق"

ليه مأخذ وحييييييييييييييييييييييييييييييييييييد على اجابتك
انك لا تؤمن بالحسد مطلقا!!!!!!!!!!!!!!!!!!!!!!!!!
الحسد مذكور فى القرآن يابابا وموجود فعلا فى الحياة وبنماذج كتييييييييييييييييييييييييييير جدا
صحيح انه " لن يصيبنا الا ماكتب الله لنا" وانه " لو اجتمع اهل الارض على ان يضروك بشئ لن يضروك الا بشئ قد كتبه الله لك"
بس ده مش معناه ان الحسد مش موجود واننا منؤمنش بيه

مرة تانية انا بجد سعيدة بمعرفتى بيك واتمنى المعرفة دى تزيد اكتر واكتر وتستمر على طول ان شاء الله

ميرسى ليك ياسالين على تعليقك الرقيق

وانا قولت ان العصبيه دى سببها انى عملى بجد

ومبقبلش الظلم وبكره الكسل وبحاول والله احد منها

انا قصدى على راى الشباب ال هو انا ههههههههههه

حاضر ياست الكل مش هقول على راى الشباب تانى اتفقنا

وتحت امرك فى اى اسئله وبلاش تقولى ارهقتك انا لسه شباب

ههههههههههههههههههههههههههههههههههههههههههه

بارك الله فيك ونفعك ونفع بك وسدد خطاك

وللمره الثانيه ميرسى على تعليقك وذوقك ورقتك

مع خالص تمنياتى لك التوفيق والنجاح

والله يانونه انا فى منتهى السعاده بكلامك واحساسك الرائع

واتمنى من الله ان تكون مى بنتى فى نفس مستواك الراقى

وشرف ليه ان تكون عندى بنوته عسوله وزى القمر زيك

فى ادبك واخلاقك واحترامك وخفة دمك والتزامك

فعلا انت رديتى لن يصيبنا الا ماكتب الله لنا

وانا اسعد بمعرفتى بيك وان شاء الله تستمر

وده شئ يشرفنى لانك فعلا خير مثال للبنت المصريه

اتمنى من الله ان يوفقك لما يحبه ويرضاه ويثبت على طريق الخير خطاك

ويرزقك الزوج الصالح الذى يتقى الله فيك ويهبك ذرية صالحة

ويحقق لك كل ماتتمنيه ويكون فيه الخير ويبعد عنك كل ماتكرهيه

اللهم هذا دعائى وعليك الاجابهوانت القائل ادعونى استجب لكم

حضرى وظبطى ورتبى براحتك ياسالين

وانا فى انتظار اسئلتك

واوعدك انى لازم هجاوب عليها

تحت امرك ياقمر

بارك الله فيك

السلام عليكم ورحمة الله وبركاته

1_بحب المكرونه الاسباكيتى جدا باللحمه المفرومه

2-مبحبكش الجاتوه اصلا

3_محشى الكوسه باللحمه المفرومه
صينية المسقعه باللحمه المفرومه

4_كان فرح بنت خالتى وكان الفرح عندنا فى البيت وبعد ماعملوا العشا ال هيروح للعريس والعروسه
ال بيسموه حلة الاتفاق اكلت الحمام ال فى ال كان معمول لهم وغطيت الحله ومع الاستعجال محدش دور
وراحت الحله فاضيه واكتشفوا ده تانى يوم بس مندمتش الا لما اتضربت علقه جامده

5_كنت صغير جدا وكنت فى فرح خالى يعنى كنت تقريبا 7 سنوات وكان الفرح فيه راقصات
وقعدت امش لحد ماوصلت عند الراقصه وطبعا هى كانت لابسه من غير هدوم
وانا كنت عاوز اعرف هى لابسه اندر ولا لا طبعا الطبال ال معاها كان واخد باله منى اوى
ولما خلاص حس انى هوصل للهدف ال انا عاوزه راح ضارب على الطبله ضربه قويه جدا
لدرجة انى اتفزعت وبكيت من الخضه لانى كنت مركز جدا ومش واخد بالى خالص من اى شئ
وفشل المخطط بتاعى والناس ال موجودين ضحكوا جدا لانهم كانوا مراقبين للموقف

6_معتقدش ان ايامنا كان فيه كارتون كنت غاوى كوره بس

7_حصل كتير جدا والسبب انى كنت الابن الوحيد وكنت مرتبط بوالدتى جدا كان كيف عندى
انى اساعدها عشان متتعبش رحمة الله عليها

8_اسود يوم هو يوم وفاة والدتى رحمة الله عليها حسيت فعلا ان الحياه وقفت
ولكن الحمد لله على كل شئ
ويومها تذكرت انه يوم موت الام ينزل ملك من السماء يقول لك يابن ادم ماتت التى كنا
نكرمك من اجلها فاعمل عملا صالحا نكرمك من اجله
اسعد ايام حياتى يوم تزوجت

9_اغلب الكتب الذى قراتها سياسيه واحبها الى نفسى هو اعتماد خورشيد شاهده على انحرافات صلاح نصر

10_حرب المائة عام على حد معلوماتى انها كانت بين فرنسا وايطاليا
واستمرت 98 سنه والبعض قال 116 سنه

11_فى شهر ابريل ههههههههههههههههه
اكيد فى اكتوبر

12_البصل بيخلى الست تدمع عشان حراق
التفاح بيخلى الراجل يعيط عشان غالى

13_ضحكت جدا بس كنت سعيد جدا وانا بجاوب
انا على فكره بستشف من خلال الاسئله شخصية السائل

14_انا فى هذه اللحظه مبسوط جدا لانى نازل مصر قريبا

15_البنت ال فى الصوره الوسطى اى رقم اتنين

16_الثالثه

17_تايتنك
الفيلم العربى الارض والزوجه التانيه

18_والله انا كان نفسى انك تسالى اكتر لانى
كنت عاوز افهم شخصيتك اكتر وهذا لغرض فى نفس يعقوب
وعلى فكره انت كنت من الشخصيات ال كنت منتظر اسالتها جدا
نور اختارتنى عشان هى اول شخصيه انا اتكلمت معاها فى المنتدى
وكانت حابه تعرفنى على كل الاعضاء

شكرا ياسالين على اسئلتك
واتمنى انى اكون وفقت فى الاجابه
وانا فعلا سعيد جدا وانا بجاوبك
واتمنى انى اتعرف عليك اكتر واكتر

مع خالص تمنياتى لك بالتوفيق والنجاح

شوفى ياست الكل

انت بلا شك شخصيه دمها خفيف جدا
بنت بلد جدعه وعندك موهبه فى اسلوبك
واضحه ومش متصنعه مثقفه
رقيقه فى اسلوبك وانتقائك للكلمات
لك عالم خاص عايشه جواه مع مواهبك

دماغك ماشاء الله ربنا يبارك فيك
صريحه مع نفسك ومع الاخرين
وبحس انك عندك طيبة قلب من خلال ردودك
وبعيده عن التصنع والمجامله وتذويق الكلام

كفايه كده عشان متتغريش
هههههههههههههههههههههههههههههههههههه

2_هقولك ليه مش باكل الجاتوه بس انت حره
كلامى هيزعلك لانك شكلك بتحبيه
انا كان ليه صديق عنده معمل حلويات وكنت بشوفهم وهمه بيعملوا الجاتوه
فمش هقولك البيض كان شكله ايه وكله شغال الله ينور مش قولتلك بلاش
عشان كده حرمت اكل الجاتوه

هههههههههههههههههههههههه
يعنى كام مره هربت من السؤال ده
وانت مازلت مصممه عليه

بجد مفيش كتب معينه اقدر اذكرها
بس بجد انا مبقراش الا الكيب السياسيه

عشان كده مش متذكر اوى
وخلى بالك انا كنت الاول خريج الكليه الحربيه
يعنى حياتى كان فيها فتره كبيره عسكريه

بس برضه مقلتيش الحلم الاكشن ايه

انا مستنى تجاوبينى

من الحق نسيت انت من دمياط

اوعى تكونى صاحبة نور انا بحذرك منها

دى سوسه

هههههههههههههههههههههههههههههههه

بتحبى السمك ولا زى نور مش بتحبيه

انت فداك اى شئ ياسالين

بس عاوز اعرف ايه الاحلام دى
هههههههههههههههههههههههههههههه
هههههههههههههههههههههههههههههه

انت بتتفرجى على افلام كرتون كتير

المكرونه الاسباكيتى باللحمه المفرومه روعه جربيها

بارك الله فيك مستنى اهوه ومش متضايق ولا زهقان

اى اسئله انا جاهز

وعليكم السلام ورحمة الله وبركاته


ازيك ياميدو باشا انا جاهز وهرد عليك

1_المفروض الاعضاء هما ال يردوا على السؤال ده مش انا
مينفعش انى اقول رايى فى نفسى بس انا مستعد اسمع اراء جميع الاعضاء ومتقبل اى راى سواء ايجابى او سلبى


2_الحمد لله انا متزوج من انسانه تعرف ربنا كويس وتتقى الله فى وفى اولادنا
وهى مصدر السعاده للبيت كله
الحمد لله درجة التفاهم بينا كبيره جدا وده مصر سعاده للبيت كله
ومفيش اجمل من انك تتفنن تسعد بيتك وهما كمان يتفننوا فى اسعادك
ومصر السعاده الاكبر هما مى ومحمد انا بتعامل معاهم كانى احد اصدقائهم


3_عمرى ماتمنيت انى اتزوج على زوجتى والله بجد مش كلام مرسل
لانى الحمد لله مش ناقصنى شئ عشان ادور عليه بره بيتى

4_ههههههههههههههههههههههههههههههههههههههههه
ايه فى ردودى بينلك انى بحب اداعب الجنس اللطيف
انا بتعامل مع الكل على انهم اولادى وده والله الشعور الذى يمتلكنى
وارجو الا تعتبر دلك مثاليه فى الرد ولكن تلك هى الحقيقه

انا لا اكره شئ فى حياتى مثل الكذب والخيانه والكل يعرف عنى ذلك
اقصد كل من يغيش حولى يعرف عنى ذلك
وبعدين انا مبعتبرش نفسى فى غربه انا بنزل مصر كل اربع شهور
وبقعد فيها ثلاث شهور وهذه ليست غربه


5_ههههههههههههههههههههههههههههههههههههههههههه
لايوجد من تستطيع ان تفقدنى صوابى لانى والحمد لله اجيد التعامل
مع الجنس اللطيف واعرف حدود دينى جيدا واعرف ان لى رب ان لم اكن
اراه فانه يرانى
واكيد انت تعرف المثل ال بيقول
دقه بدقه ولو ذدت لداد السقه
وكما قلت لك والله انى لاينقصنى شئ فى بيتى لكى ابحث عنه بره بيتى
ودى نصيحه لكل اخت فى المنتدى تفانى فى اسعاد زوجك
ولكل اخ تفان انت الاخر فى اسعاد زوجتك ستجد الحياه اجمل مما تتخيل
الحياه فيها حاجات كتير اهم من العلاقات مع الجنس اللطيف
وعلى فكره المراه لاتحترم من يحاكى جسدها وتحترم من يحاكى عقلها


6_عندما كرمت شركتى هنا فى السعوديه حسيت ان التكريم ده كان من حق الاسطف الموجود
لانهم هم اصحاب المجهود ولست انا

7_عندما اقسمت بالله كذبا لكى امنع حالة طلاق فى بيت جيران لنا
وانا كنت شاهد عيان
وادعوا الله دائما ان يغفر لى ولكنى اكره جدا جدا جدا كلمة الطلاق
لدرجة اننى ممكن ابكى عندما اشاهد حالة طلاق ولا امضى شاهد عليها ابدا ومن المستحيل
حتى لو كانت فى بيت اعز اصدقائى وقد حدث ورفضت

8_امين وصادق ومتحمل المسؤليه واحبك دى بسمعها كتير بس مش هقولك من مين


9_انا بطبعى لا اتعامل مع احد الا اذا كنت احبه
وتصديقا لكلامى انا من يوم ماتزوجت لا اتعامل مع
اخو زوجتى نهائيا رغم الحاحها الشديد
انا بجد معرفش اتعامل معاك وانا بكرهك
حتى لو كانت حياتى بيدك لسمح الله

10_واحد فقط ولكن لندالته وليس لعصبيتى
فندالته كانت سبب انى اتعصبت عليه


11_انا ممكن اعتذر لاى شخص اخطات فى حقه
وهذا لا يشكل لى حرج طالما انا اخطات

12_ارجوا توضيح السؤال

13_سؤال سالين تهربت منه كثرا ولكنها كانت مصممه

14_عندما سؤلت عن رايى فى الاعضاء خفت ان احدهم يزعل منى

اتمنى انى اكون قد وفقت فى الاجابه على اسئلتك ياميدو

وكل ما استطيع قوله انى رديت عليم بمنتهى الامانه
والله على ما اقول شهيد

اناعارف ان لسه فيه بقيه من عيونى حاضر

هجاوبك عليهم

سعيد جدا بالحوار ال دار بينى وبينك
واتمنى انى اجابتى تنول اعجابك

مع خاص دعواتى لك بالتوفيق والنجاح