برامج رمضان

بعد ما عملت موضوع الجريئة اقترح عليا احد الاصدقاء انى اعمل موضوع مفتوح نتكلم فى عن برامج ومسلسلات رمضان ونقول رأينا فيها بصراحة
يعنى كل واحد اتفرج على برنامج او مسلسل يقول رأية فية كل صراحة

اسمحولى ابدأ بمسلسل اتفرجت علية النهاردة لاشرف عبدالباقى اللى بيعمل فية شخصية اسماعيل يسين ....
بصراحة طول المسلسل انا شايف قدامى اشرف عبدالباقى ومش قادر اقتنع ان دة اسماعيل يس
هوا اشرف باسلومة وبكل حركاتة اللى انا اعرفها
الغلط هنا انهم يجيبوا فنان المفروض ان احنا عارفينة كويس عشان يعمل دور فنان تانى هوا كمان عارفينة كويس فتلاقى نفسك بتتفرج على اشرف وبعدين تفتكر ان دة مش اشرف دة اسماعيل يس . موضوع فاشل
اللى بجد اقنعنى فى تمسيلة كان (شادى شامل ) اللى عمل دور عبدالحليم حافظ ، لسببين
السبب الاول : ان شادى فية شبة كبير جدا من عبدالحليم حافظ
والسبب التانى : انة كشخصية اول مرة اشوفها ما عملش حاجة قبل كدة افتكرهالو وابدأ اقارن ، يعنى ببساطة اللى واقف قدامى دة هوا عبدالحليم مش حد تانى
اللى كمان اقنعنى الى حد ما كان احمد زكى لما عمل السادات
كمان شخصية السادات انا ما اعرفهاش ، عشان ماعاصرتش الفترة اللى كان فيها ، وبالتالى مش هيبقى فى مقارنة فى دماغى بين الشخصيتين

دة كان رأيى فى المسلسل
احب اسمع ارائكوا

توبيك جميل وننتظر المزيد ياللغربه

******لماضه*******

متشكر يا لماضة على الكلام الجميل دة وعلى فكرة صديقى هيفرح قوى لما يعرف ان الموضوع عجبك
ويارب ابقى دايما عند حسن ظنكوا