لكي تفهم الناس ..افهم نفسك اولا

السيره الحسنه لا تنمو سريعاً .. ولكنها تعيش طويلاً !
لكي تفهم الناس أفهم نفسك .. هذه هي القاعدة الأولى

أنت واحد من الناس، وما ينطبق عليك ينطبق على معظمهم

انظر إلى رغباتك ماذا تريد ؟..
انظر إلى اهتماماتك، ما الذي يرضيك ؟
وما الذي يغضبك ؟
ثم ما الذي يدفعك لأن تقول نعم ؟
ومتى، ولماذا تقول لا ؟

إذا أجبت بهذه الأسئلة بشكل صحيح فإنّ هذه الإجابة تنطبق عليك وعلى غيرك.
وسوف نحاول أن نجيب عليها معاً.
ماذا تريد من الآخرين ؟
أن يعاملوك باحترام، أن يشعروا بأنك مهم .. أن يفهموا وجهة نظرك
أن يحققوا مصالحك .. حسناً ..
إذا حصلت منهم على ما تريد .. هل أنت مستعد إعطاءهم ما يريدون
بالتأكيد نعم. تذكّر أنهم يريدون منك نفس هذه الأشياء
الاحترام والاهتمام وتحقيق مصالحهم ..

إذاً بادر أنت وأعطهم ما يريدون، وسوف تجدهم مستعدين لرد التحية
بمثلها أو بأحسن منها.

هنري فورد يقول:

(يكمن سر النجاح في القدرة على استيعاب وجهة نظر الشخص الآخر،
ورؤية الأشياء من الزاوية التي يراها هو بالإضافة إلى الزاوية التي تراها أنت).

بإختصــــــــــار

غير قاعدة أنا أولاً ... ثم أنت
استخدم قاعدة أنت أولاً ثم أنا...
اجعل هذا الأسلوب سلوكاً دائماً، لا مجرّد وسيلة في بعض الأحيان عندها تكون قد عرفت بداية الطريق.

بماذا تهتم ؟
بالمصالح المادية مثل الصحة والبيت والمال
بالمصالح المعنوية مثل المركز والمكانة الاجتماعية
بالرغبات والهوايات مثل القراءة والرياضة والفنون وغيرها
تذكّر أنّ الآخرين عندهم نفس الاهتمامات أو أشياء قريبة منها.
ما هو موقفك من شخص يراعي مصالحك المادية والمعنوية ويحترم
رغباتك وهواياتك ؟

لا شك أنك تكنّ له كل مودة واحترام، إذا تحدث تسمع له باهتمام
توافق بسهولة على ما يطرحه من أفكار وآراء
وعندما تستخدم بقاعدة أنت أولاً، وتهتم بمصالح الآخرين ورغباتهم سوف يستمعون إليك باهتمام وإصغاء ويتفقون معك في الرأي ويقيمون معك علاقة طيبة.

يقول أوين يونج ..

(من يستطيع أن يضع نفسه مكان الآخرين، ويفهم ما يدور في عقولهم، يجب
أن لا يقلق بشأن ما يخبئه له المستقبل).

تذكّر دائماً أن تتحدث مع الناس في مجال اهتمامهم أو بمعنى آخر
أن تتحدث عنهم، هذه أفضل وسيلة لتحقيق الانسجام.

الخلااااااااااصة

اخرج من حدود ذاتك ومن إطار النفس والأنا، ضع نفسك في دائرة واحدة مع الآخرين، إذا أخطأوا تذكّر أنك أيضاً تخطئ
إذا رأيتهم مشغولين بمصالحهم، تذكّر إنك أيضاً تسعى إلى مصالحك.

ثانياً:
طبِّق قاعدة أنت أولاً ثم أنا، هذا ما نسميه في مفاهيمنا الإسلامية بالإيثار.
ولا شك إنه من أكرم الصفات، عندما تقول لشخص أنا أولاً
سيقول لك : بل أنا
وهنا سيبدأ التوتر والتنافس والخلاف، ولكن عندما تقول له أنت أولاً

سيقول لك، وأنت أيضاً، وهنا تبدأ المودة والتفاهم والتعاون والانسجام.

لذلك إفهم نفسك أولاً

موضوع جامد مووووووووووووووت

انا هقولك اللي عجبني بالتحديد في الموضوع :-

اولا :الجملتين بتوع الاخ هنري فورد والزميل اوين يونج

ثانيا :لما قولتي قاعدة انت اولا ثم انا وانها في مفاهيمنا الاسلامية تحت اسم الايثار...وده طبعا بيبين ان الاسلام دين المحبة والايثار وبعيد عن الانانية وتفضيل النفس

اخيرا من الصعب ان الواحد يفهم اللي قدامه عايز ايه بالظبط بس مش مستحيل ولو ده حصل هتبدا المودة والتفاهم والتعاون والانسجام زي ما قولتي بالظبط

بجد الوضوع تحفة والاسلوب جميل وسهل ومفيهوش تعقيد

لكي تفهم الناس ..افهم نفسك اولا 47608

ايه الرد اللي يفتح النفس ده مرسي

كده انا خلصت واحد من 5
هههههههههههههههههههه

يا مسهل

نورتني يا كيمو بجد

نفسى بس الناس تعمل كده

لكن مااااااااااااااابيحصللللللللللللللللش

المهم ربنا يهدى الجميع

وادينا بنعمل اللى علينا

على الله بس يبقا بفايدة

لكي تفهم الناس ..افهم نفسك اولا Post-20628-1188455646

لكي تفهم الناس ..افهم نفسك اولا Post-20628-1188455646

كلام جميل جدا يا جاست سلمت يداكي

بس انا حاسه انه مثالي زياده عن اللازم يعني زي ما نونا بتقول مين فينا بيعمل كدا

الحياه عباره عن انا ثم انا ومن بعدى الانا

كلمه انت دي بالنسبه لينا مفهوم غير معترف بيه

ليه ؟

عشان كلنا بنعرف نقدر نفسنا وتعبنا كويس جدا وبنفكر ان محدش في الدنيا بيتعب زينا

مثال انتي مثلا بتدرسي

وبترتبي علي الدفعه امين يارب يسمع من بؤي

وشايفه اد ايه انتي بتتعبي واد ايه بتبذلي مجهود عشان توصلي لحلمك ده

هل ترضي ان واحده زميلتك حتا لو بتتعب اكتر منك انها تتفوق عليك وتاخد ترتيب اكتر منك ؟؟؟

لو جاوبتي ب اه تبئي انتي فعلا مثاليه جدا وياريت فيه منك اتنين في العالم

لكن لو جابتي ب لأ طبعا

يبئي انتي حد طبيعي جدا واحييكي علي شجاعتك لان باختصار كلنا كدا

مين فينا مش بيحلم يبئا احسن واحد في الكون

مش معنا كدا اني بتمني ان غيري يفشل وان انا بس اللي انجح

لكن للاسف قمه السلم لاتتسع الا لقدم واحده

فقدمي اولا ويأتي من بعدى العالم

مش عارفه اسميها انانيه ولا ايه بس انا بسميها تقدير مجهود لاني بأختصار بحس بمجهودي انا

ومش هحس بغيري الا لو كنت انا وهو في جسد واحد ودي استحاله تحصل

اخيرا بقولك كلمات جميله واد ايه انتي شخص محب ورقيق من كلماتك

استمري وتقبلي مروري

بصي هي فعلا مثاليه جدا بس ليه ما نقولش انها مانتمناه

يعني انا هقولك مثال حي

انا بحب النحو جداااااااااااااا والحمدلله متأسسه حلو فيه وبتفوق فيه
في المحاضره بتاعتنا مفيش غير انا وواحده تانيه اللي تقريبا نفس المستوى بس علشان اكون صريحه

هي ممكن تكون اعلى مني لانها بتتميز بانه مفيهاش الاندفاع بتاعي والتسرع وده مخليها في المرتبه اللي فوقي

بس للحقيقه لما مثلا هي مبتعرفش اجابه وانا اقولها وتطلع صح بحس بنشوه رهيبه واني عرفتها وهي معرفتش

وبقعد احس بتأنيب ضمير لاني بحس اني كده انانيه بس لما انا مثلا ما بعرفش وهي تعرف واشوف نظرتها وابتسامتها وتلف وشها ببقى حاسه اني هنفجر مكاني

بس لما باجي انام وافكر في اللي بيحصل ده بزعل من نفسي لانه حتى لو هي كده فانا مش لازم احس بكده

انا بشكرك يا قمر على مرورك بجد

اسمحولى اشترك بس واعلق على كلامكو وردكو على بعض...... ممكن؟

اكيد طبعا هتقولولى ممكن

انتو ليه اخدتو الكلام بالطريقة دى؟؟؟؟!!!

الموضوع ببساطة بيقول ان احنا لازم نعامل الناس زى مانحب انهم يعاملونا

وانا مش شايفة ف ده مثالية

انا شايفة ان ده اللى المفروض يحصل

صح ان معظم الناس للأسف مابتعملش كده

بس مش صعب انهم يعملو كده

يعنى لو هنمشى بالأمثلة

فمثال بسيط

زى ما بحب لما اكون بكلم صديقتى فى موضوع معين وحابة انها تبقا منتبهة معايا واتضايق لو حسيت انها مش مهتمة بكلامى

لازم كمان ابقا انا بسمع كويس وبنتبه لما حد يبقا بيحكيلى حاجة

زى ما بحب الناس تعاملنى بزوق وادب وتراعى مشاعرى وتفهمنى
ابقا انا كمان بتعامل مع الناس كده

ومش شايفة ان دى حاجة صعبة

كل المطلوب انك تحط نفسك مكان اللى قدامك
وزى ماتحب انه يعاملك .. تعامله بنفس الاسلوب والطريقة

انا شايفة ان هى دى الرسالة اللى الموضوع عاوز يقدمها
مش انك تفضل غيرك عليك .....

انك تحب الخير لغيرك كمان دى حاجة كويسة وكمان سهلة مش صعبة
لكن انك تفضله على نفسك .... ممكن ده اللى يكون صعب شوية
وهيبقا فيه فعلا مثالية من اللى بيعمل كده.... ونتمنى طبعا ان يبقا فيه ناس كده
لكن بتهيالى مش هو ده الهدف من الموضوع

تقبلوا مرورى
وميرسى يا دودى مرة تانية عالموضوع لانه بجد جميل جدا

هو فعلا جزء كبير منه بيتكلم عن الموضوع ده

بس تعرفي يا نونتي الحبوبه هو برده بيرمي للنقطه اللي اتكلمنا فيها لانك لو فكرتي في النقطتين هتلاقي مصدرهم واحد وهو اننا لازم نفكر في الغير ومش بس نفكر في نفسنا

مرسي لمرورك التاني يا قمرايه

بصي يا نونتي

عشان يظهر انا كلامي مش موضح بس

التوبيك بيتكلم عن اتنين بوينتس

الاولانيه

اني احط نفسي في دايره واحده مع الاخرين واقدر مشاعرهم

واني في التعامل مع الناس لازم اعاملهم زي ما احب انهم يعاملوني

و البوينت دىانا مش مختلفه عليها نيفر ايفر فور ايفر

نيجي بئا للبوينت التانيه بتاع انت اولا

اللي فهمته منها هو التفضيل والمفارقه وليس المساواه

اني ادي الاحقيه لغيري حتا في الاهتمامات الماديه والاجتماعيه

مش اتنين بيركبو اسانسير واتفضل حضرتك الاول لا والله ميصحش

دي ذوقيات في حياتنا محدش يختلف عليها

لكن
اللي وصلي من كلمه اهتمامتنا الماديه والاجتماعيه

هيا المصالح واثبات الذات

مين فينا بيقول انت اولا في مصلحه تخصه ؟؟؟
وحتا لو طلع مثالي و قالها هل هتتردله ويتقاله لا انت اولا؟؟؟؟

في الحاجات السيروس مش الذوقيات والتعامل

وهيا دي المثاليه اللي انا بقول عليها

لكن المعنى اللي بتقوليه وصللي وفوقه بوسه

ثانكس يا قمري

وارجو ان تكون وجهه نظري وصلت

هو النقاش سخن ولا ايه
لكي تفهم الناس ..افهم نفسك اولا 71

حد يغير اسم القسم ويسميه

هنقول احنا لسه حبايب يووووه ما خلاص قولنا
لكي تفهم الناس ..افهم نفسك اولا 69

لالالالالالالالالالالا الموضوع فعلا اتكلم عن الموضوعين وزي ما قلت هو اتكلم في موضوعين والموضوعين ليهم نفس المصدر

وهو انا والاخرين

» تخيل هذه الصور واجلس مع نفسك
» حتى تكون أسعد الناس
» احمي نفسك من انفلونزا الخنازير بأناقة.. أو بغرابة
» أحول الناس يوم القيامه الشيخ نبيل العوضي
» اسئله رخمه للرجال فقط .....اما بالنسبه للبنات فا اعملى نفسك راجل وجاوبى